Sulmuesi i Real Madridit, Ruud Van Nistelrooy, nuk do të luajë më për kombëtaren e Holandës. Këtë lajm e konfirmuan dje zyrtarët e Federatës holandeze të futbollit, pasi që më parë 32-vjeçari kishte vendosur për një gjë të tillë. "Pasi e rishikova orarin e sezonit që kam te Reali dhe në kombëtare, e pashë se po të luaja me këtë lloj ritmi për klubin dhe kombëtaren ishte e vështirë për mua sidomos në aspektin fizik, andaj dhe vendosa të tërhiqem nga ekipi kombëtar dhe njëkohësisht t'i lirojë pozitën ndonjë sulmuesi të ri, tha Nistelrooy, i cili nga 66 paraqitje për kombëtaren ka realizuar 33 gola.